ELCANO GETARIAN LEHORRERATU ZEN EMOZIOZ ETA JENDEZ INGURATUTA
Atzo “Elkanoren Lehorreratzea”ren antzezpen-ekitaldia gertu-gertutik ikusteko zortea izan genuen. Getariako Udalak gonbidatuta, Victoria itsasontzian iritsi ziren Elkano eta 17 marinelen iritsieraren lekuko izan ginen. Antzezleak guztiak getariarrak, eta paperean ezin hobeto sartuta, modu paregabean bete zuten euren lana. Getariako moila eta kaleak jendez gainezka zeuden, 1922tik, lau urtetik behin ospatzen den antzezpen-ekitaldia ikusi eta bizi nahi zuten milaka pertsona. Hurrengo antzezpen-ekitaldia 2022an izango da eta berezia izango da zentzu bikoitzean: antzezpen-ekitaldiaren lehenengo mendeurrenarekin bat egingo du, eta aldi berean, 3 urteko espedizioaren ondoren, 1522an Elkano Sevillara iritsi zen urteko 500. Urteurrenarekin.
Eusko Jaurlaritza bertan izan zen ere hainbat ordezkarirekin eta laburpen-bideoa argitaratu du atzoko une zirraragarrienekin. Hemen duzue bideoa!
Antzezpen ekitaldiaren ondoren, Getariako bizilagunek Salbatore Abesbatzarekin batera, Elkanoren ereserkia abestu zuen herriko bandak lagunduta. Hau da ereserkiaren letra:
|
GORA ELKANO! Gora Elkano, gora ta gora! Getariar gizon sendoa Izan zinan ba Ludi guziya Biratu zuben lenengoa Zure ibilteak Iriki zuten Gizonarentzat itsasoa Erakutsirik Ondorengoei Zein aundia zendun gogoa. Gora ta Gora, Gora betiko Getariar seme zintzoa! |
Angel Alonso,prestatzen ari garen animazio filmaren zuzendariak, ez zuen aukera galdu nahi izan eta Elkanorekin egin zuen argazkia, hain zuzen ere, Elkanoren papera lehenengo aldiz egin zuen Iñigo Isasti getariarrarekin.
